Гар урлал нь заримдаа маш нарийн ажиллагаа шаардсан урлаг уран сайхны шинж чанартай бүтээлүүд байх ч өргөн хүрээний ойлголтоор бол энгийн багаж хэрэгслийг ашиглан гараар урлах, чимэглэл хийхийг хэлнэ.

Энэ утгаараа гар урлал бол уламжлалт бүтээлч үйл болон урлаг, дизайныг илэрхийлдэг бүх урлагийн үндэс суурь нь юм. Учир юу гэвээс энэ нь хүний гараар хэрхэн бүтээж буй ур чадвараар тодорхойлогдох бөгөөд нэхмэл, цутгамал, цаасан урлал, мод металл урлал гэх зэрэг маш олон нэр төрөл байдаг.

Мөн улс орон бүрт өөр өөрийн уламжлалт арга техникийг ашигладаг гар урлалын төрлүүд хөгжсөн байдаг нь тухайн үндэстний амьдралын хэв маяг болон өдөр тутмын амьдралын хэрэглээнд нийцсэн байна. Тиймээс л гар урлалын бүтээлүүдийг үйлдвэрлэлийн аргаар бус зөвхөн гараар бүтээдэг юм.

Ер нь гар урлалын үндэс суурь нь маш эртний хөдөө тосгодын уламжлалаас үүдэлтэй бөгөөд суурьшлын бүс, хүн амын нягтаршил зэргээс хамааран орчин үеийн хэв маягаар хөгжиж эхэлсэн.