Хан-Уул дүүрэг, 4-р хороо, Хүннү молл 1 давхар
Өөрөө бүтээх урлал (DIY) гэдэг нь мэргэжлийн хүний тусламжгүйгээр аливаа зүйлийг өөрөө бүтээх, засах, засварлах, өөрчлөх бүтээлч урлал юм. Тус урлалын нэр томъёо анх 1912 оноос гэрээ тохижуулах, засвар үйлчилгээтэй холбоотой үүсч, 1950-д оноос эхлэн нийтлэг хэрэглээ болон дэлгэрч, гэр орноо тохижуулах, жижиг гар урлалууд, барилгын төслүүдийг бүтээлч санаагаар баяжуулах чиглэлээр хөгжиж эхэлсэн. Үүнтэй холбоотойгоор жил бүр тухайн жилийн урлалын чиг хандлага тодорхойлогдох болсон.
2024 он өөрөө бүтээх урлалын тухайд их чухал он болох нь. Учир нь энэ онд гэрээ чимэглэх болон онцгой бэлэг бүтээх урлал нэлээд эрэлттэй байх юм байна. Оёо-с өөрөө бүтээх урлал (DIY)-ыг түгээн дэлгэрүүлэх ажлын хүрээнд 2024 оны трэнд урлалуудын талаар товч мэдээлэл хүргэж байна.
Өнгөрсөн жил трэнд болж байсан энэхүү урлал нь улам хөгжин дэлгэрэх хандлагатай байна. Террариум чимэглэл нь төрөл бүрийн гоёмсог шилэн саванд өөрийн хүссэн өнгө загвараар ногоон байгууламжийг хялбар аргаар бүтээж, гэрээ чимэглэх урлал юм. Энэ урлал нь гэрийн өрөө тасалгаа, хана, ширээ, шүүгээ аль ч хэсэгт байрлуулж болох үзэмжтэйгээс гадна ургамлын тухайд тийм ч ойр ойрхон арчилгаа шаардахгүй онцлогтой.
Даавуун дээр урласан хатгамалтай ханын чимэглэл мөн трэнд урлалд багтаж байна. Учир нь энэ урлал нь өрөөг илүү амьд өнгө төрхтэй болгоод зогсохгүй өөрөө хүссэн загвараа сонгон урлах боломжийг бүрдүүлдэг. Энд нэхмэл, сүлжмэл, хатгамал, оёдол аль нь ч байж болно. Өнгөний тухайд газрын шороон өнгө зонхилох хандлагатай байна.
Хуучин эд зүйлсийг хаялгүйгээр дахин ашиглах нь энэ онд трэнд хэвээр байх болно. Энэ нь зөвхөн мөнгөө хэмнээд зогсохгүй байгальд ээлтэйгээр өөрийн хүссэн өнгө төрхийг бий болгох боломж юм.
Хүүхдүүдтэйгээ хамтдаа керамик урлал хийх нь гэр бүлийн хувьд эрэлт ихтэй байх нь. Аав ээж хүүхэд хамтдаа хийх урлал хүүхдэд мартагдашгүй дурсамж үлдээдэг. Ялангуяа байгалийн материалаар урлал хийх нь бүр илүү бүтээлч санаа төрүүлнэ. Керамикаар төрөл бүрийн зүйлс хийж, түүнийг бүтээлчээр чимэглэх нь 2024 оны трэнд урлал болохоор байна. Заавал шатаах зуух гэлтгүй шууд хатдаг шавар ч хэрэглэх боломжтой.
2024 оны гар урлалын чиг хандлагад жижиг хивс нэхэх урлал багтаж байгаа нь магадгүй тухайн урлалыг хүүхдүүдэд илүү таниулах, устаж үгүй болохоос хамгаалах, цаашилбал өөрийн бүтээлээр гэрийн хана, ширээ, өрөөгөө хүртэл чимэглэх бүтээлч идэвхийг хөгжүүлэхээр байна.
Энэ урлалыг хийхэд мэдээж байгалийн материал болох ноосыг ашиглана. Мөн бүлээн ус, саван, шивүүрийн зүү зэрэг зарим онцгой багаж хэрэгсэл хэрэгтэй. Хамгийн гол нь өөрийн хүссэн төрөл бүрийн өнгө төрх, дүрс, дүрийг бүтээх боломжтой учраас хүүхдүүд маш их сонирхдог. Хэрвээ аав ээж нь хүүхдүүдтэй гээ хамт хийвэл мэдээж гайхамшигт дурсамж бүтээх болно.
